'దేవదాస్‌' విజయం ఘనత నాగార్జున, నానీలకే చెందుతుంది!: నిర్మాత అశ్వనీదత్‌

‘సినిమాలు నిర్మించడం నాకేమీ కొత్త కాదు. ఇప్పటి వరకు ఎన్నో సినిమాలు నిర్మించాను. ఎన్నో విజయాలు సొంతం చేసుకున్నాను. కానీ ఇటీవల విడుదలై విజయం సాధించిన ‘దేవదాస్‌’ నా కెరీర్‌లో ఓ ప్రత్యేకం. అన్ని వర్గాలను అద్భుతంగా ఆకట్టుకున్న ఈ చిత్రం విజయం పూర్తిగా హీరోలు నాగార్జున, నానీలకే చెందుతుంది’ అని ప్రముఖ నిర్మాత చలసాని అశ్వనీదత్‌ అన్నారు.

శ్రీరాం ఆదిత్య దర్శకత్వంలో వచ్చిన 'దేవదాస్' చిత్రం సక్సెస్‌ మీట్‌లో అశ్వనీదత్‌ మాట్లాడుతూ, తాను ఎన్నో సూపర్‌ హిట్‌ సినిమాలు నిర్మించినా ఈ చిత్ర విజయం తనలో ఎంతో నమ్మకాన్ని పెంచిందన్నారు. కేవలం లాభాల కోసమే సినిమాలు అనుకోకుండా అన్ని వర్గాలను ఆకట్టుకోవాలన్న తమ ప్రయత్నం ఫలించినందుకు ఆనందంగా ఉందన్నారు. హీరోలు నాగార్జున, నానీలకు ప్రత్యేక ధన్యవాదాలు తెలియజేస్తున్నానని, వారి వల్లే ఈ సినిమా ఈ స్థాయిలో నిబడిందని అన్నారు. భూప‌తి రాజా, సాయిమాధ‌వ్ బుర్రా, స‌త్యానంద్ కు ప్రత్యేక కృత‌జ్ఞత‌లు తెలిపారు. ఈ చిత్రంలో ఆకాంక్ష సింగ్, రష్మిక మందన హీరోయిన్లుగా న‌టించారు.